قصيدة الشاب (ناجي الطرقي) ومعاناته مع الوظيفة
الشمس تحرق // حمرة الخـد // بشويـش........حتـى يصيـر اللـون // لـون أستوائـي
والعقـل لآمنـه تبـرأ // مـن الطـيـش........صـار المغفــل فيـه // شبـه انزوائـــــي
والناس تتعب مـن ورى // لقمـة العيـش........وان حصلـت تعييـن // تلقـاه // نـائـي
دوامك اشبـه // بالسفـر // والمطاريـش........وقبـل دوآم الصـبـح // دآوم مســائـي
صـرنـا بديرتـنـا مـجـرد دراويــش........ليـن احـتوينـا بالضــيـاع // أحتــوائــي
صرنا علـى الدفتـر // مجـرد هواميـش........والوضـع اسـوأ مـن حـدود استيائـي
النـاس صـارت ترتشـي // بالبخاشيـش........ياقمـة الـذلـه // وخــدش الحيـائـي
الجامعـي يحلـم// يبـي بدلـة الجـيـش ........وشلون أجـل واحـد معـاه // ابتدائـي!!
صرنا نشوف الحلم // طاير// بـلا ريـش........كثيـر منـا صـار شخـص // انطوائـي
ندرس عشان نعيـش// لـو نقـدر نعيـش........صـارت شهايدنـا // كـنـوز الغبـائـي
تجي الـوزاره // تنتظـر // فيـه تفتيـش........(( تعال بكـره )) // والجـواب النهائـي
تجـي لهـم بكـره // يقولـون: مافيـش........عنـد الوزيـر اليـوم // موفـد نسـائـي
تجي لهم بعدين // لو جيـت حتـى أيـش........((عدم دخولـك )) صـار ضابـط وقائـي
توقف يجيك العسكري // وش تبا؟؟ ويش !!........يعنـي مـسـوي تختبـرلـي ذكـائـي!!
ترجع تفكر ( شعبنـا / يندمـر / ليـش؟ )........الكـل منـا صـار طبـعـه // عـــدائـي
سؤال يُطـرح // والاجابـات // تطنيـش........حتـى تفكـر فـي // نـزوح انتـمائـي !!
الرئيسية 
التسجيل 
دخول 
الخميس يوليو 19, 2007 8:32 pm
