شمر

"]" فيصل الللويش " :



شمر ليامنه سمـك عجهـا وثـار
نفـرح ليامـن لولشـن الهلاهيـل
اليا زعلنا تمتلـي صدورنـا نـار
واليا ضمينا ماروى كبودنـا سيـل
واليا ركبنـا ماتخرعنـا الاخطـار
واليـا جلسنـا مانخـاف المقابيـل
تصغر لنا وتشوفنـا بعينهـا كبـار
واليـا انتخينـا كالحـرار الابابيـل
واليا كبرنا بعينها صـاروا صغـار
قل لابرهه وشهو خذا بغزوة الفيـل
لاعجعجت ثرنا لهـا عـج وغبـار
وان دندنت موالهـا نزيـد ترتيـل
وان كشفت عن ساقها والقدم حـار
والله نقـط ارواحنـا كالمقاتـيـل
لادلهمت في ويلها نزيد iiالاصـرار
جينا نزيد الويل في وسطها iiويـل
جينا وجنايزنا على ظهور iiالامهار
رحنا وتركناهـا تجـر iiالمواويـل
حنا الطنايـا يامسوسـة iiالافكـار
شامن لنا مـن يلبسـن الخلاخيـل
وقافاتنا عجزت تسولفها iiالاشعـار
من كثرها ماله وصوف iiوتماثيـل
لو كان للطولات والمـوت iiتجـار
تجارها حنا ولـو يطفـح iiالكيـل
حنا لها وحنا من اهلهـا iiليـادار
مقضب رحاها ولولشن iiالقناديـل
وساع الطعون منومسينك iiيالاخبار
كبار الصحـون مدلهيـن المعاميـل
للقرم بعيون السناعيـس iiمقـدار
والخرب ماله غير مس iiالمفاتيـل
واليا رفع راسه نقول أش iiيا****
ناطا علـى خـده برجليننـا حيـل
حتى يعرف الحق ويسوق iiالاعذار
حنـا الطنايـا معقليـن iiالمهابيـل
قولوا لحاتم مابغيته تـرى iiصـار
صرنا حواتم طي ذباحـة iiالخيـل
يشهد لنا ذيبٍ عوي فوق له iiغار
والموقده وتاريخنا وتشهد iiالعيـل
ماهو قصورٍ بالقبايـل iiوالاحـرار
جيلٍ وساعه وكل ساعه لها iiجيـل
والحين زال الشر بسيوف iiالاخيار
وصرنا لبوفيصل فهدنا iiرجاجيـل
يابجاد هات من الحطب واوقد النار
واترك سناها يلمحه طرقي iiالليـل
يمكن يسير تالـي الليـل iiخطـار
يلقى بياض الوجه يامذبح iiالحيـل
وانفخ لها خل جمرها منـه iiيغـار
ثغر المهاة وغيبة الشمس iiوسهيل
زين لنا كيفٍ يونس هـل iiالكـار
كيفٍ ينومس للسهـر iiوالتعاليـل
واياك تنسى زعفـرانٍ iiومسمـار
والبن زين حمسته واطحن iiالهيـل
دقه بنجرٍ يسمعه ضيـفٍ iiوجـار
نجرٍ يصوت للنشامـا iiالحلاحيـل
للكيف قرم ودله وجمـر iiوبهـار
وعيال ماتتعـب يديهـا iiالفناجيـل
عطها النشاما واختر لصبها iiقصار
من شان ماترفع يديها iiالرجاجيـل
وصبه لاواليد الطنايـا iiوسنجـار
شمر ليا عدوا قـروم iiومشاكيـل
شمر ليا منه سمك عجهـا iiوثـار
نفرح ليامـن لولشـن iiالهلاهيـل .......

يا معالي ياامين القصيدة ماهي لي لكن صح لسان اللي قايلها

بالمناسبة انت معالي الامين العام للامم المتحدة او الامم الافريقية

يسلموووووووووو على القصيده

قصيدة رائعة أشكرك