قصيدة مدح بالجيب

يالعنبوه الشاص الالفيـن واثنيـن
عزالله ان المبدعيـن أبـد عوبـه
تساعدوا في صنعه أطلق خبيريـن
باشـراف عالـم مبتـداه ابتدوبـه
برافسـورٍ مختـرع لـه براهيـن
فعله حصانه عن خطاه ورسوبـه
حصل شهادة علم مع خبرة سنيـن
وله جايزة نوبل زمـان محسوبـه
من عائلـه بالعلـم دايـم ملميـن
تاريخهـم بالعـلـم توارثـوبـه
أبـوه يابانـي سياسـي قوانيـن
في دولته يصـدر نظـام العقوبـه
والآم نازيـهَ موالـيـد برلـيـن
وخوال خاله من مواريـث كوبـه
صحيح ناقص لان ماهوعلى الدين
عالـم وعلمـه مايكفـر ذنـوبـه
أما اختراعاته على الراس والعين
يشكرعلى أفكـاره ودقـة أسلوبـه
أصخربصنع الجيب من قبل عامين
بالسـر حتـى دولتـه مادروبـه
لين انتجه وانتاجه أزين من الزين
رغم أختـراع الغـرب تفاجؤبـه
من جودته له بالصحافة عناويـن
بالسوق ربح كـل مـن تاجروبـه
رجح موازيـنٍ وهبـط موازيـن
كل الـدول بالبورصـة ساهموبـه
نزل من الدولار بالسعـر ثلثيـن
ودعم رصيـد اليـن نوبـه ونبـه
لاندالكروز اللي تعشقـه ملاييـن
قبـل يجـي للشـرق تباشروبـه
من دولته جابـه وكيلـه بتاميـن
لدولـة ال سعـود ملفـاه دوبــه
أسعد نفوس الـي لرويـاه شفقيـن
وكـلٍ دعالـه بالجـزا والمثوبـه
أباصفه كله مـن يسـار و يميـن
لو ان في وصفه عليـه صعوبـه
بين كمإابو الهول مبنى الفراعيـن
كله حجر مابـه حديـده وطوبـه
وبين المواتر سكبته تجلـي البيـن
سكبة زعيم ومحتفل فـي خطوبـه
واللون بيج وبويتـه مـن بلاتيـن
ضد الحرارة الهـواء والرطوبـه
وحمار خطه مثل سيـل البراكيـن
وإلاحما ر الشمس حـزة غروبـه
وكبوته أنحف من حجم بديه شوين
ورفارف ه متناسقـة مـع جنوبـه
ونظام دفع الحركـة دفـع تربيـن
فريد من نوعـه وهـم طوروبـه
وماطور صماماته أربع وعشريـن
وبخاخ مصروفـه يفتـن شروبـه
وتحضيرتين أمام وخلاف عكسين
وستة عشرجنطه علـى قدهوبـه
ومساعدات أربـع وقـدام ياييـن
ودفرنس وفريول يحـرك كعوبـه
وكوابح أي بي اس تعمل نظاميـن
وبكـل هـوبٍ للكوابـح انبوبـه
وونشين سحب ويسحبن وزن طنين
وهزاز يمنع بالصحـاري نشوبـه
وحمولته بالكيلـو الفيـن و اليفـن
على الشدايد فيه عـزم وصلوبـه
من قوته يصبر على الزين والشين
الطقـس ماهمـه جليـده وشوبـه
متعـدد الاغـراض للاتجاهـيـن
ما فيه عيب اقول ذا مـن عيوبـه
لاقفى مكوكٍ كـل طقمـه مفاديـن
علم الكواكـب والفضـاء كلفوبـه
ولاأقبل كما الجاكوار والا السقستين
في وقت غـارة والعـدو ولعوبـه
ولااعرض شهابٍ مرسلٍ للشياطين
ضرب غلاف الجو واحدث شبوبه
منوة غريبٍ شـف بالـه بعيديـن
الدرب لوطـول بسرعـه يلوبـه
ما يمنعه لا ر مل لا احجار لاطين
غريب ما تمشي المواتـر دروبـه
وان قلت للسواق يالا خو من وين
يعطيك علم أرضٍ قفر ما وطوبـه
ماهو زمالة عايـلات ووراعيـن
ولاهو زمالـة للعفـون وجلوبـه
سلعـة ثمينـة للرجـال الثمينيـن
راع الولع يشريه لـو بـاع ثوبـه





منقووووول