هالموضوع لتصيد الاخطاء الاملائية بالمنتدى
<<(((< الأخـــطــــاء بالمنتـــــــــدي >))>>
يعني ودنا هنا (((( نشغل الرادارات ))))
ودنا هنا نكفش الأخطاء الإملائيه لكل المشاركات ولكل الأعضاء
ونكفش ايضاً الجمل اللي (( ما ندري وش تبي ))
فمثلاً واحد كاتب (( السلام عليكم ورحمة الله وبركراته )) <<<<< هذا على طول نصفطه على جنب
أو واحد بيكتب (( فنزويلا )) وكتب (( أنفلونزا )) <<<<< هذا ما يبيله غير الحجز والكشف على صحته
أو واحد بيكتب (( قصيده رائعه )) وكتب (( صديقه رائعه)) <<<<<< هذا على
طول نوديه لهيئة الأمر بالمعروف والنهي عن المنكر
أو واحد كاتب (( أنا هنا وهو أنا )) <<<<< هذا نجيب له شيخ يقرأ عليه
على العموم أتمنى وصل المعنى ...
وفيه شروط :
1_ أي عضو يصيده الرادار ما نمسح مخالفته حتى لو جاب اكبر واسطه
2_ و اللي يصيد مخالفات أكثر له مكافأه <<<<<<
3_ نهاية كل شهر بنسوي قائمة للأعضاء وعدد مخالفاتهم واللي يتعدى 20 مخالفه
نخلي أكبر كفـّاش للمخالفات يصدر عليه عقوبه ...
4_ أي عضو يصيد مخالفه على عضو أخر لازم أنه يقتبسها ويوضح لنا
الخطأ اللي وقع فيه العضو ويكتب تحته التصحيح للخطأ
(( لجل يستفيد في المرات القادمه ))
5_ اللي يصيده الرادار له الحق أنه يدافع عن نفسه وإذا
أثبت أنه مظلوم تحسب المخالفه على العضو اللي صاده ..
6_أي عضو يكرر مخالفه مرصوده سابقاً فيحق للعضو المكفوش
أن يعترض وتسجل المخالفه على العضو الكافش
هالحين كل واحد منكم يستلم سيارة دوريه ودفتر مخالفات ويفرّ
بالمنتدى وأي خطأ يعطي راعيه مخالفه ويجي يسجلها هنا ...
شدو حيلكم
.
.
.
.
.
بدأنا
الرئيسية 
التسجيل 
دخول 
الجمعة يوليو 27, 2007 9:00 pm
