السلام عليكم ورحمة الله وبرركاته
الصداقه هذه الكلمه التي إعتادت ألسنة بعض الشباب والشابات على ترديدها ..
ماهي هذه الصداقه ؟؟ وماهو الهدف من الصداقه ؟؟ ومن هو صديقك ؟؟
ألم تسأل نفسك هذه الأسئله في لحظة تـقـف بينك وبين نفسك ؟؟
الأن أترككم مع القصيده اتمنى ان تنال إعجابكم:
يابنت يالله صكي الخط صكيه
لا ابغى اتعرف لا ولا ابغى علاقه
ماني من اللي نغمة الصوت تغريه
ولاني من اللي يشحنون البطاقه
هنا على درب الرجاجيل ساعيه
سلمً عطانيه الزمن والرفاقه
ما هوب سلم اللي تعدى مباديه
كنه مخلي فوق راسه طباقه
مرات "كابوريا" ومرات "كاريه"
دايم مكانه في محل الحلاقه
ويا كثرهم كانك تبين الدهاديه
اللي يشوف الثور ويقول ناقه
كلمة "الو" ويجيك: لبيه لبيه
عنده على زود السفاهه طفاقه
لكن نصيحه من جنابي وتنبيه
بعض الخطاء يوجع ويذبح طراقه
لا يخدعك حكيً يسليك راعيه
مهما لقيتي في لسانه طلاقه
شيً تسمينه تسلي وترفيه
باكر تشوفينه خطاء وانزلاقه
يعني خذيها كاش من دون تشويه
مالك ومال المعرفه والصداقه
خالص الود
الرئيسية 
التسجيل 
دخول 
الثلاثاء يوليو 24, 2007 2:22 pm
